ಅಟ್ಟವೆಂಬ ಮನೆಯೊಳಗಣ ಬ್ರಹ್ಮಾಂಡ...!- ೧೯ನೇ ಜನವರಿ ೨೦೧೩ರ ವಿಜಯ ಕರ್ನಾಟಕ ಪತ್ರಿಕೆಯಲ್ಲಿ ಪ್ರಕಟವಾದ ಹಾಸ್ಯ ಲೇಖನ.

ಅಟ್ಟ ಎಂಬ ಮನೆಯೊಳಗಣ ಬ್ರಹ್ಮಾಂಡ!

ಅಟ್ಟವ ಒಂದರಿ ಕ್ಲೀನ್ ಮಾಡೇಕು ಹೇಳಿ ಗ್ರೇಶುಲೆ ಶುರುಮಾಡಿ ವರ್ಷ ಒಂದಾತೋ,ಎರಡೇ ಆತೋ!?ಕಳುದ ಸಲ ಯೇವಾಗ ಕ್ಲೀನ್ ಮಾಡಿದ್ದು ಹೇಳಿ ನೆಂಪೂ ಇಲ್ಲೆ!ಅಟ್ಟಕ್ಕೆ ಹತ್ತಿ ಅದರೊಳ ಅಡ್ಡಾಡ್ಲೂ ಕೂಡಾ ಜಾಗೆ ಇಲ್ಲದ್ದಷ್ಟು ವಸ್ತುಗೊ ಅಲ್ಲಿ ತುಂಬಿದ್ದು!ಮತ್ತೆ ಹೀಂಗಿಪ್ಪಲ್ಲಿಗೆಲ್ಲಾ ಹತ್ತಿ ಕ್ಲೀನ್ ಮಾಡುಲೆ ಪುರುಸೊತ್ತಾಗೆಡದಾ ಹೇಳಿ!ಮನೆ,ಆಫೀಸು,ಆಫೀಸು ಮನೆ ಹೇಳಿಯೇ ದಿನಂಗೊ ಹೊರಳುತ್ತಾ ಇದ್ದು!ಅಟ್ಟಕ್ಕೆ ಹತ್ತುದು ಶಾಲೆಲಿ ಟೀಚರು ಮಕ್ಕೊಗೆ ಪ್ರಾಜೆಕ್ಟ್ ವರ್ಕ್ ಕೊಟ್ಟಪ್ಪಗಲೇ!ಅಟ್ಟ ಒಂದು ಬ್ರಹ್ಮಾಂಡ ಹೇಳಿ ಹೇಳಿದರುದೇ ತಪ್ಪಾಗ!ಯೇವ ಅಂಗಡಿಲಿ ಪೈಸೆ ಕೊಟ್ಟರೂದೇ ಸಿಕ್ಕದ್ದ ವಸ್ತುಗೊ ಅಲ್ಲಿರುತ್ತು!ಮಕ್ಕಳ ಹಲವು ಪ್ರಾಜೆಕ್ಟ್ ಗೊಕ್ಕೆ ಈ ಅಟ್ಟಲ್ಲಿಪ್ಪ ವಸ್ತುಗಳೇ ಸಾಕ್ಷಿ.ಶಾಲೆಲಿ ಟೀಚರುಗೊಕ್ಕಳ ಕೈಯಿಂದ ಮಕ್ಕೊ ಶಹಭಾಸ್ ಹೇಳಿಸಿಯೊಂಡು ಬಂದರೆ ಅಟ್ಟಕ್ಕೆ ಥ್ಯಾಂಕ್ಸ್ ಹೇಳುದು!ಅದು ಸರಿ,ಈಗ ಅಟ್ಟದ ಕ್ಲೀನಿಂಗ್ ಶುದ್ಧಿಗೆ ಬಪ್ಪ!ಮನೆ ಕಟ್ಟುಸುವಾಗಲೇ ಹೇಳಿತ್ತಿದ್ದವಿವು,ಟಾಯ್ಲೆಟ್ ಬಾತ್ ರೂಮಿನ ಮೇಗಣ ಜಾಗೆಯ ಅಟ್ಟ ಮಾಡಿದರೆ ಸಾಕು,ಹೆಚ್ಚು ದೊಡ್ಡ ಕಟ್ಟಿಸಿದಷ್ಟೂ ಹಾಳು ಹರಗಣ ತುಂಬಿಸುದೊಂದೇ ಕಾಯಕ ಆವುತ್ತು,ಧೂಳು,ಕಸ,ಜರಲೆ,ಎಲಿಗಳ ತಾಣ ಆವುತ್ತು,ಎಂತ ಹೇಳ್ತೆ?"ಹೇಳಿ!ಆನು ಬಿಡೇಡದೋ,"ಅದೆಲ್ಲಾ ಆಗಲೇ ಆಗ,ಅಡುಗೆ ಕೋಣೆಯ ಮೇಗಣ ಜಾಗೆಯನ್ನೂ ಸೇರಿಸಿಯೊಂಡು ಅಟ್ಟ ರಜ್ಜ ದೊಡ್ಡಕ್ಕೇ ಇರಲಿ,ಅದಕ್ಕೆ ಎರಡು ಹೊಡೆಂದ ಎಂಟ್ರೆಂನ್ಸ್ ಬೇಕಾದ್ರೆ ಇರಲಿ,ನಿಂಗೊಗೆ ಗೆಂಡುಮಕ್ಕೊಗೆ ಇದೆಲ್ಲಾ ಅರ್ಥವೇ ಅವುತ್ತಿಲ್ಲೆ"ಹೇಳಿ ಹೇಳಿದೆ!"ಬೇಡ ಮಾರಾಯ್ತಿ,ಅಟ್ಟ ಸಣ್ಣದಿದ್ದರೆ ಅಂಬಗಂಬಗ ಕ್ಲೀನ್ ಮಾಡಿ ಹೋವುತ್ತು,ದೊಡ್ಡದಿದ್ದರೆ ಇಂದು,ನಾಳೆ ಹೇಳಿ ಒಳುದೇ ಹೋವುತ್ತು"ಹೇಳಿ ಎಷ್ಟು ಹೇಳಿದರೂದೇ ಎನ್ನದೊಂದೇ ಜಪ,ಅಟ್ಟ ದೊಡ್ಡದಾಗಿರೇಕು,ಪೇಟೆ ಮನೆ ಬೇರೆ,ಇಪ್ಪ ೩೦,೪೦ ಸೈಟಿಲಿ,ಜೀವನಲ್ಲಿ ಒಂದರಿಯೇ ಕಟ್ಟುಸುವ ಮನೆಲಿ ಅಟ್ಟ ಅತೀ ದೊಡ್ಡದ್ದಲ್ಲದ್ದರೂ ಒಂದು ಹದಾಕ್ಕಾದರು ಬೇಕೇ ಬೇಕು ಇಲ್ಲದ್ದರೆ ಬೇಡದ ಸಾಮಾನಿನೆಲ್ಲಾ ಎಲ್ಲಿ ತುಂಬುಸುದು?ಹಳ್ಳಿಲಾದರೆ ತೊಂದರೆ ಇತ್ತಿಲ್ಲೆ ಹೇಳಿ!ಅಂತೂ ಇಂತೂ ಈ ವಿಷಯಲ್ಲಿ ಇವು ಅಮ್ಮಾವ್ರ ಗೆಂಡ ಆಗಿಬಿಟ್ಟವಿವು!ಎಂಗಳದ್ದು ವಿಶಾಲಾವಾದ ಮನೆ ಅಲ್ಲದ್ದರುದೇ,ಆನಿಷ್ಟಪಟ್ಟ ಅಟ್ಟ ಅಂತೂ ವಿಶಾಲವಾಗಿದ್ದು!

ಎಂಗೊ ಮನೆವೆಲ್ಲಾ ರಜ್ಜ ಪರಿಸರ ಕಾಳಜಿ ಹೆಚ್ಚಿಪ್ಪವು,ಮನೆಲಿ ಉಪಯೋಗಿಸಿ ಹಾಳಾದ ಒಂದು ಸಣ್ಣ ಪ್ಲ್ಯಾಸ್ಟಿಕ್ ತುಂಡಿಂದ ಹಿಡುದು ಸಣ್ಣ ಕಬ್ಬಿಣದ ತುಂಡಿನವರೆಗೂ ಎಂತ ಸಿಕ್ಕಿದರೂ ಅಟ್ಟಕ್ಕೆ ಇಡುಕ್ಕುತ್ತ ಕ್ರಮ.ಹೆರ ಮಣ್ಣಿಲಿ ಸೇರಿ ಭೂಮಿ ಹಾಳಪ್ಪದರಲ್ಲಿ ಎಂಗಳ ಕೊಡುಗೆದೇ ಬೇಡ,ಕಿಂಚಿತ್ತಾದರೂ ನಮ್ಮಿಂದ ಉಪಕಾರ ಆಗಲಿ ಪರಿಸರಕ್ಕೆ ಹೇಳುತ್ತ ಮನೋಭಾವ!ಪುರುಸೊತ್ತಪ್ಪಗ ಒಂದೊಂದರಿ ಎಂಗೊ ಅಟ್ಟಕ್ಕೆ ಹತ್ತಿ ಲಾಯ್ಕಲ್ಲಿ ಕಬ್ಬಿಣ,ಪ್ಲಾಸ್ಟಿಕ್,ಪ್ಲಾಸ್ಟಿಕ್ ಬಾಟ್ಲಿಗಳ,ಕುಪ್ಪಿ ಬಾಟ್ಲಿಗಳ ನ್ಯೂಸ್ ಪೇಪರುಗಳ ಪ್ರತ್ಯೇಕ ಮಾಡಿ,ಪೇಟೆಗೆ ಹೋಪಾಗ ಕಾರಿನ ಢಿಕ್ಕಿಲಿ ಮಡುಗಿಯೊಂಡು ಹೋಗಿ ಗುಜರಿ ಅಂಗಡಿಯವಕ್ಕೆ ಕೊಡುದು.ಒಂದೊಂದರಿಯಂಗೆ ೨೫೦ ರಿಂದ ೩೦೦ ರೂಪಾಯಿ ಸಿಕ್ಕಿಯಪ್ಪಗ ಕ್ಲೀನ್ ಮಾಡಿದ ಛಾರ್ಜ್ ಬಂತನ್ನೇ ಹೇಳಿ,ಹಾಂಗೇ ಈ ಮಾರಿದ ವಸ್ತುಗೊ ಎಲ್ಲಾ ಮಣ್ಣಿಂಗೆ ಸೇರದ್ದೇ ಮರುಬಳಕೆ ಆವುತ್ತನ್ನೇ ಹೇಳಿ ಖುಷಿ ಪಟ್ಟುಕೊಂಬದು.ಮನಗೆ ತಂದ ಸಾಮಾನಿಲಿ ಎಂತರಲ್ಲಿಯಾರು ಸಿಕ್ಕಿದ ಕಾರ್ಡ್ ಬೋರ್ಡ್ ಬಾಕ್ಸ್ ಗೋ,ಫ್ರಿಡ್ಜ್,ಟೀ.ವಿ,ವಾಷಿಂಗೆ ಮೆಷಿನ್ ಗಳೊಟ್ಟಿಂಗೆ ಸಿಕ್ಕಿದ ದೊಡ್ಡ ದೊಡ್ಡ ಬಾಕ್ಸ್ ಗೋ,ತೆರ್ಮಾಕೋಲ್ ಪೀಸುಗೊ,ಮನೆ ಕಟ್ಟುಸುವಾಗ ಒಳುದ ಕಬ್ಬಿಣದ ಕಲವು ಉದ್ದ ಗಿಡ್ದದ ಸರಳುಗೋ,ಸಿಮೆಂಟಿನ ಖಾಲಿ ಚೀಲಂಗೊ,ಮರದ ಆಚಾರಿ ಕಿಟಕಿ,ಬಾಗಿಲು ಕೆಲಸ ಮಾಡಿ ಒಳುದ ಮರದ ತುಂಡುಗೋ,ಇಲೆಕ್ಟ್ರಿಕ್ ಕೆಲಸ ಮಾಡಿದ ಮತ್ತೆ ಒಳುದ ವಯರುಗೋ,ಸ್ವಿಚ್ಚುಗೋ,ಪ್ಲಂಬಿಂಗ್ ಕೆಲಸ ಮಾಡಿಸಿದ ಮೇಲೆ ಒಳುದ ಉದ್ದ ಗಿಡ್ಡದ ಪೈಪ್ ತುಂಡುಗೊ,ಸ್ಕ್ರೂ,ಬೋಲ್ಟ್,ನಟ್ಟುಗೊ,ಆಣಿಗೊ,ಮುರುದ ಕುರ್ಚಿ,ಒಡದ ಕೊಡಪ್ಪಾನ,ಬಾಲ್ದಿಗೊ ಎಲ್ಲಾ ಒಂದು ಕರೆಲಿ ಹಾಂಗೇ ಇದ್ದು ಇಂದಿಗೂ!ಈ ವಸ್ತುಗೊ ಎಲ್ಲಾ ಒಂದಲ್ಲ ಒಂದರಿ ಎಷ್ಟು ಉಪಯೋಗಕ್ಕೆ ಬತ್ತು ಹೇಳಿ ಅದರೆಲ್ಲಾ ಅಟ್ಟಲ್ಲಿ ಜೋಪಾನವಾಗಿ ಮಡುಗಿ ಉಪಯೋಗಕ್ಕೆ ಬಂದಪ್ಪಗ ಉಪಯೋಗಿಸಿಕೊಂಡವಕ್ಕೆ ಲಾಯ್ಕಲ್ಲಿ ಗೊಂತಿಕ್ಕು ಈ ಅಟ್ಟಲ್ಲಿ ಶೇಖರಿಸಿ ಮಡುಗಿದ ಸಾಮಾನುಗಳ ಮಹಿಮೆ ಎಂತದ್ದು ಹೇಳಿ!

ಕಳುದ ವರ್ಷವೋ,ಅದರ ಹಿಂದಾಣ ವರ್ಷವೋ ಒಂದರಿ,ವಾರಲ್ಲಿ ೨,೩ ದಿನ ರಜೆ ಇಪ್ಪಾಗ ಹತ್ತಿ ಕ್ಲೀನ್ ಮಾಡಿದ ಅಟ್ಟವ ಈಗ ಹೇಳುವವು ಕೇಳುವವು ಆರೂ ಇತ್ತಿದಿಲ್ಲೆ!ಮನಗೆ ಬಂದ ನಂಟರೆಂತ ಏಣಿ ಮಡುಗಿ ಅಟ್ಟ ಹತ್ತಿ ನೋಡ್ತವಾ?!ಎನಗೆ,ಇವಕ್ಕೆ,ಮಕ್ಕೊಗುದೇ ರಜೆ ಇದ್ದ ದಿನ ಅಂದು ಅಟ್ಟ ಕ್ಲೀನ್ ಮಾಡಿದ ದಿನವೇ ಅಕೇರಿ,ಮತ್ತೆ ಅಟ್ಟ ಅಟ್ಟದಷ್ಟಕ್ಕೇ,ಎಂಗೊ ಎಂಗಳಷ್ಟಕ್ಕೇ!

ಸರಿ ಆ ದಿನ,ಮಕ್ಕೊ ಇಬ್ರು,ಎಂಗೊ ಇಬ್ರೂ ಅಟ್ಟಕ್ಕೆ ಹತ್ತಿ ಕಾಲಿಂಗೆ ಸಿಕ್ಕುವ ಸಾಮಾನುಗಳ ಎಲ್ಲಾ ಪೊಲೀಸುಗೋ ನಕ್ಸಲರ ಹುಡುಕಿಯೊಂಡು ಕಾಡಿನ ಒಳ ದಾರಿ ಮಾಡಿಯೊಂಡು ಹೋಪಾಂಗೆ,ಎಂಗೊ ಅಟ್ಟದ ತುಂಬಾ ತುಂಬಿದ್ದ ಸಾಮಾನುಗಳ ಎಲ್ಲಾ ಅತ್ತಿತ್ತೆ ಮಡುಗುತ್ತಾ ಕಾಲು ಮಡುಗುಲೆ ಜಾಗೆ ಮಾಡಿಯೊಂಡು,ಕ್ಲೀನಿಂಗ್ ಅಭಿಯಾನ ಶುರು ಮಾಡಿತ್ತಿದ್ದೆಯ!ಒಂದು ದೊಡ್ಡಾ ಬ್ಯಾಗಿಲಿ ಹಳೇ ವಸ್ತ್ರಂಗಳ ತುಂಬಿಸಿ ಮಡುಗಿತ್ತೆ.ಸಣ್ಣ ಮಗಳು ಅದರ ಬಿಚ್ಚಿಯೊಂಡು ವಸ್ತ್ರಂಗಳ ನೋಡಿಯೊಂಡೇ ಬಾಕಿ!ಆನು ಹೇಳಿದೆ,"ಇದಾ ಆ ಕಟ್ಟಿನ ಬಿಚ್ಚೇಡ,ಅದು ಆರಿಂಗಾರು ಕೊಡ್ಲಿಪ್ಪದು,ಒಂದುದೇ ನಮಗಾರಿಂಗೂ ಹಾಕುಲೆಡಿಯ"ಹೇಳಿ."ಆಂ ಎನ್ನದು ಎನಗೆ ಬೇಕು,ಆನು ಸಣ್ಣ ಇಪ್ಪಾಗ ಹಾಕಿದ ಅಂಗಿಗೊ ಎಲ್ಲಾ ಇದರಲ್ಲಿದ್ದು,ಅದರ ನೆಂಪಿಂಗೆ ಮಡಿಕೊಂಬಲೆ ಎನಗೆ ಬೇಕು,ಆನು ಕೊಡೆ"ಹೇಳಿತು!ದೊಡ್ಡ ಮಗಳು ಅದರ ವಸ್ತ್ರ ಕೆಲವುದರೆಲ್ಲಾ ಬೇಕು ಹೇಳಿತು ಹಾಂಗೆ ನಿನ್ನದೂ ಕೆಲವೆಲ್ಲಾ ಲಾಯ್ಕಿದ್ದಮ್ಮಾ,ಮಡಿಕ್ಕೋ ಹೇಳಿತು!"ಸರಿ ಆ ಬ್ಯಾಗಿನ ಅಲ್ಲೇ ಮಡುಗಂಬಗ ಲಾಯ್ಕಿಲಿ ಮುಚ್ಚಿ"ಹೇಳಿದೆ.ನ್ಯೂಸ್ ಪೇಪರು ಒಂದು ನಾಲ್ಕಟ್ಟಿ ಭರ್ತಿ ಇತ್ತಿದು!ಇವು ಹೇಳಿದವು ಅದರ ಎಲ್ಲಾ ಕೆಳ ಹಾಕುತ್ತೆ ಮಾರ್ಕೆಟ್ಟಿಂಗೆ ಹೋಪಾಗ ಮಾರುಲೆ ಕೊಂಡುಹೋಪ"ಹೇಳಿ.ಅಷ್ಟಪ್ಪಗ ದೊಡ್ಡ ಮಗಳು ಹೇಳಿತು,"ಈ ಸಲ ಪೇಪರ್ ಮಾರುದು ಬೇಡಪ್ಪಾ,ಎನಗೆ ಪ್ರಾಜೆಕ್ಟ್ ವರ್ಕ್ ಇರುತ್ತು,ಕೆಲವು ಇಂಪಾರ್ಟೆಂಟ್ ಕಟ್ಟಿಂಗ್ಸ್ ಬೇಕಾವುತ್ತು,ಹಾಂಗಾಗಿ ಆ ಕಟ್ಟುದೇ ಅಲ್ಲಿರಲಿ" ಹೇಳಿ!"ಆತಂಬಗ ಅದಿರಲಿ"ಹೇಳಿದವಿವು."ಆ ಹಳೇ ಸಿಮೆಂಟ್ ಗೋಣಿ ಚೀಲಂಗಳ ಮಾರುವ,ಅದೆಂತಕಿಪ್ಪದು,ಎಂತಕಾರು ಬೇಕಕ್ಕು ಹೇಳಿ ಕಟ್ಟಿ ಮಡುಗಿ ವರ್ಷ ಎಂಟಾತು!" "ಏಏಏಏ ಅದು ಎನಗೆ ಬೇಕು,ಮೊನ್ನೆ ಟಿ.ವಿಲಿ ತೋರಿಸಿದ್ದವು,ಅದರಲ್ಲಿ ಮಣ್ಣು ತುಂಬುಸಿ ಲಾಯ್ಕಲ್ಲಿ ತರಕ್ಕಾರಿ ಬೆಳಕೊಂಬಲಕ್ಕು.ಗೊಂತಿದ್ದಾ?!"ಇಂದೇ ಅದಕ್ಕೆ ಮಣ್ಣು ತುಂಬಿಸಿ ತರಕ್ಕಾರಿ ನಡುವ ಹಾಂಗೆ ಹೇಳಿದೆ! "ಆತಂಬಗ ಅದುದೇ ಇರಲಿ" ಹೇಳಿತ್ತಿದ್ದವಿವು!ಹಾಂಗೇ ಒಬ್ಬ ವಿಲೇವಾರಿ ಮಾಡುಲೆ ಹೆರಟ ಸಾಮಾನು ಇನ್ನೊಬ್ಬಂಗೆ ಅನಿವಾರ್ಯವಾಗಿ ಬೇಕಾಗಿ ಎಲ್ಲವನ್ನೂ ಅಲ್ಲಲ್ಲೇ ಒತ್ತರೆಯಾಗಿ ಮಡುಗಿಕ್ಕಿ ಕೆಳ ಇಳುದಿತ್ತೆಯ!ಅಟ್ಟಲ್ಲಿಪ್ಪದೆಲ್ಲಾ ಸುರಕ್ಷಿತವಾಗಿ ಅಲ್ಲೇ ಒಳುದಿದ್ದತ್ತು!ಪ್ರಾಜೆಕ್ಟ್ ವರ್ಕಿಂಗೆ ಬೇಕು ಹೇಳಿ ಮಗಳು ಮಡುಗಿದ ನ್ಯೂಸ್ ಪೇಪರುಗೊ ಅಂತಹ ಯೇವುದೇ ಪ್ರಾಜೆಕ್ಟ್ ವರ್ಕ್ ಸಿಕ್ಕದ್ದೇ ಅಲ್ಲೇ ಬಾಕಿ,ತರಕಾರಿ ಗಿಡಂಗಳ ನೆಡ್ಲೆ ಬೇಕು ಹೇಳಿ ಮಡುಗಿಸಿಯೊಂಡ ಖಾಲಿ ಸಿಮೆಂಟು ಚೀಲಂಗಳುದೇ ಅಸಹಾಯಕವಾಗಿತ್ತಿದವು!ಈ ಎಲ್ಲಾ ವಸ್ತುಗಳೊಟ್ಟಿಂಗೆ ಈ ಒಂದೋ ಎರಡು ವರ್ಷಂಗಳಲ್ಲಿ ಇನ್ನೂ ವಸ್ತುಗೊ ತುಂಬಿ ಬೃಹತ್ ಬೆಟ್ಟವೇ ಸೃಷ್ಠಿ ಆಯಿದು ಅಟ್ಟಲ್ಲಿ!ಈ ಸಲ ಕ್ಲೀನ್ ಮಾಡುಲೆ ಹೇಳಿ ಹತ್ತಿಯಪ್ಪಗ ಬೇಕು ಬೇಕು ಹೇಳಿ ಕಂಡದ್ದರೆಲ್ಲಾ ಮಡಿಕ್ಕೊಂಬ ಬದಲು,ಮನಸ್ಸು ಗಟ್ಟಿಮಾಡಿಯೊಂಡು ಕಣ್ಣು ಮುಚ್ಚಿ ಗುಜರಿ ಅಂಗಡಿಗೆ ಕೊಟ್ಟಿಕ್ಕಿ ಅಟ್ಟವ ರಜ್ಜ ಕಾಲು ಹಾಕುವ ಹಾಂಗೆ ಮಾಡೇಕು,ಲಾಯ್ಕಲ್ಲಿ ಕ್ಲೀನ್ ಮಾಡೇಕು ಹೇಳಿ ಇದ್ದೆ!ಮತ್ತೆ ಕೊಟ್ಟ ಆ ವಸ್ತುಗೊ ಮರುದಿನವೇ ಬೇಕು ಹೇಳಿಯಾದರೆ ಎಲ್ಲಿಗೆ ಹೋಪದು ಹೇಳಿಯೇ ಈಗ ಎನ್ನ ಮನಸ್ಸಿಲಿಪ್ಪ ಚಿಂತೆ!!

----------