ಡ್ರೈವಿಂಗ್ ಹೇಳುತ್ತ ಮಹಾಮಾಯೆ...!
ಒಂದು ಮನೆಲೆ ಗೆಂಡ ಮಾಂತ್ರ ಡ್ರೈವಿಂಗ್ ಕಲ್ತರೆ ಸಾಕಾ ಇಲ್ಲೆ ಹೆಂಡತಿಯೂ ಕಲ್ತರೆ ಒಳ್ಳೆದಾ? - ಈ ಪ್ರಶ್ನೆ ಮದುವೆಯಾದ ನಂತರ ಬಪ್ಪದಷ್ಟೇ ಹೇಳುವಾ! ಒಂದೊಂದು ಸಲ ಮದುವೆಗೆ ಮೊದಾಲೇ ಇಬ್ರದ್ದು ಡ್ರೈವಿಂಗ್ ಕಲ್ತಾಗಿದ್ದರೆ ಆರು ಕಲಿಯೇಕ್ಕು, ಆರು ಬಿಡೇಕು ಹೇಳುತ್ತ ಪ್ರಶ್ನೆಯೇ ಬತ್ತಿಲ್ಲೆ. ಬೇಕಾದ ಹಾಂಗೆ ಹೊಂದಿಸಿಯೊಂಡು ಒಬ್ಬಲ್ಲ ಒಬ್ಬ ಡ್ರೈವ್ ಮಾಡಿಯೊಂಡು ಮ್ಯಾನೇಜ್ ಮಾಡಿಯೊಳ್ತವು. ಒಬ್ಬನ ಡ್ರೈವಿಂಗಿಲಿ ಇನ್ನೊಬ್ಬಂಗೆ ಕನ್ಫಿಡೆನ್ಸ್, ನಂಬಿಕೆ ಎಲ್ಲಾ ಇರ‍್ತೋ ಇಲ್ಲೆಯೋ ಅಂತೂ ಒಬ್ಬನ ಡ್ರೈವಿಂಗಿನ ಇನ್ನೊಬ್ಬ ಪರಸ್ಪರ ಕಮೆಂಟ್ ಮಾಡದ್ದೇ, ಜೆಗಳ ಮಾಡಿಯೊಳದ್ದೇ ಹೇಂಗೋ ದಿನಂಗೋ ಕಳೆದಿರ‍್ತು! ಮದುವೆಯಾದ ಶುರುವಿಂಗೆ ಜೆಗಳಕ್ಕೆ ಡ್ರೈವಿಂಗ್ ವಿಷಯ ಅಂತೂ ಸಿಕ್ಕಲೇ ಸಿಕ್ಕ!
ಮದುವೆಗೆ ಮೊದಾಲೇ ಕೂಸಿಂಗೆ ಡ್ರೈವಿಂಗ್ ಗೊಂತಿದ್ದು ಹೇಳಿದರೆ ಕೂಸಿನ ಸುಯೋಗ. ಎಲ್ಲರತ್ತರೂದೇ ಮದುವೆ ಅಪ್ಪಲಿಪ್ಪ ಕೂಸಿಂಗೆ ಕಾರು, ಸ್ಕೂಟರು ಎಲ್ಲಾ ಬಿಡ್ಲೆ ಬತ್ತು ಹೇಳಿ ಸೆಡವಿಲ್ಲಿ ಹೇಳಿಕೊಳ್ತವು ಮಾಣಿಯ ಕಡೆವ್ವು! ಹಾಂಗೇ ಆ ಮಾತುಗಳ ಕೆಮಿಗೆ ಗಟ್ಟಿಲಿ ಹಾಕಿಕೊಂಡ ನಾಲ್ಕು ಜೆನಂಗೊ,"ಇದಾ ಅಂವ ಮದುವೆ ಅಪ್ಪ ಕೂಸಿಂಗೆ ಕಾರೂ, ಸ್ಕೂಟರೂ ಎಲ್ಲಾ ಬಿಡ್ಲೆ ಬತ್ತಡ, ಭಾರೀ ಗೆಟ್ಟಿಗೆತ್ತಿಯೇ ಆದಿಕ್ಕಂಬಗ, ಭಾರೀ ಚುರುಕುದೇ ಇಕ್ಕು ಕೂಸು ಹಾಂಗಾರೆ" ಹೇಳುತ್ತ ಶುದ್ಧಿಯ ಸಿಕ್ಕಿದವರತ್ತರೆಲ್ಲಾ ಹೇಳಿ ಬಿರುದುಗಳ ಸುಲಾಭಲ್ಲಿ ಸಿಕ್ಕಿಸಿಬಿಡ್ತವು ಮದಿಮಾಳಿಂಗೆ!ಅವರೆಲ್ಲರ ಪಾಲಿಂಗೆ ಅದು ಬ್ರಹ್ಮ ವಿದ್ಯೆ ಕಲ್ತಿದು ಹೇಳಿಯೇ ಲೆಕ್ಕ! ಆದರೆ ಮದುಮಗಂಗೆ ಕಾರು, ಸ್ಕೂಟರ್, ಬೈಕ್ ಎಲ್ಲಾ ಬಿಡ್ಲೆ ಬತ್ತು ಹೇಳಿ ಜೆನ ಹಾಡಿ ಹೊಗಳುದು ಬಾರೀ ಕಡಮ್ಮೆ!ಆದರೆ ಮಾಣಿಗೆ ಕಾರು, ಬೈಕು, ಸ್ಕೂಟರೆಲ್ಲಾ ಇದ್ದು ಅಂವ ದೊಡ್ಡ ಜೆನ, ಶ್ರೀಮಂತ ಹೇಳಿ ಮಾಂತ್ರ ಜೆನಂಗೊ ಮಾತಾಡಿಕೊಳ್ಳುತ್ತವು!
ಈಗ ಮದುವೆ ಆದವರ ಕತೆಗೆ ಬಪ್ಪ!ಅವಕ್ಕಿಬ್ರಿಂಗೂ ಡ್ರೈವಿಂಗ್ ಬತ್ತಿಲ್ಲೆ ಹೇಳಿ ಮಡಿಕ್ಕೊಂಬ... ಒಂದೊಂದು ದಿಕ್ಕೆ ಗೆಂಡಂಗೆ ತಾನು ಮಾಂತ್ರ ಡ್ರೈವಿಂಗ್ ಕಲ್ತರೆ ಸಾಕು ಹೇಳುತ್ತ ಅಹಂ ಮನೋಭಾವ ಇದ್ದರೆ, ಇನ್ನೂ ಕೆಲವುದಿಕ್ಕೆ ಎನಗೆಂತಾದರೂ ಆದರೂ ಪರ್ವಾಗಿಲ್ಲೆ, ಹೆಂಡತಿಗೆಂತಪ್ಪಲಾಗ, ಅದು ಡ್ರೈವಿಂಗ್ ಕಲ್ತು ಎಂತಾರು ಹೆಚ್ಚು ಕಡಮ್ಮೆ ಮಾಡಿಯೊಂಬದು ಬೇಡ ಹೇಳಿ ಗೆಂಡನ ಕನಿಕರ ಅಡ್ಡ ಬತ್ತು ಹೆಂಡತಿಯ ಡ್ರೈವಿಂಗ್ ಕಲಿಕೆಗೆ! ನಿಂಗೊಲ್ಲಾ ಎಷ್ಟೋ ಜೆನ ಹೆಮ್ಮಕ್ಕೊ ಹೇಳುದರ ಕೇಳಿಪ್ಪಿ,"ಇವಕ್ಕೆ ಭಾರೀ ಹೆದರಿಕೆ, ನೀನು ಆನಿಲ್ಲದಿಪ್ಪಗ ಹೋಯೇಕ್ಕಾದಲ್ಲಿಗೆಲ್ಲಾ ಬೇಕಾದರೆ ಆಟೋ ಮಾಡಿಯೊಂಡು ಹೋಗಿ ಬಾ, ಡ್ರೈವಿಂಗ್ ಒಂದು ನಿನಗೆ ಬೇಡ ಮಾರಾಯ್ತಿ ಹೇಳಿ". ಕೆಲವು ದಿಕ್ಕೆ ಗೆಂಡಂದಿರು ದೊಡ್ಡ ಮನಸ್ಸು ಮಾಡಿ, ಮನಸ್ಸಿನ ರಜ್ಜ ಗಟ್ಟಿ ಮಾಡಿಯೊಂಡು, "ಅಪ್ಪದರ ತಪ್ಪಿಸುಲೆ ಆರಿಂದಲೂ ಎಡಿಯ, ಎಂತ ಡ್ರೈವಿಂಗ್ ಮಾಡುವವ್ಕೆ ಮಾಂತ್ರ ಆಕ್ಸಿಡೆಂಟ್ ಅಪ್ಪದಾ, ಸುಮ್ಮನೇ ನಡಕ್ಕೊಂಡು ಹೋಯಿಕ್ಕೊಂಡಿದ್ದೋರಿಂಗೂ, ಕೂದೊಂಡು, ಮನುಗಿಯೊಂಡಿದ್ದೋರಿಂಗೂ ವಾಹನಂಗೊ ಬಂದು ಗುದ್ದಿದ ಉದಾಹರಣೆಗೊ ಇಲ್ಲೆಯಾ?" ಹೇಳಿ ಧೈರ್ಯ ತಂದುಕೊಂಡು, ಹೆಂಡತಿಯೂ ಕಲ್ತರೆ ಒಳ್ಳೆಯದು. ಮಕ್ಕಳ ಡ್ರಾಯಿಂಗ್ ಕ್ಲಾಸ್, ಡಾನ್ಸ್, ಮ್ಯೂಸಿಕ್ ಕ್ಲಾಸ್ ಮತ್ತಿನ್ನೆಂತದ್ದಕ್ಕೋ ಎಲ್ಲಾ ಕರಕ್ಕೊಂಡು ಹೋಪ ಜವಾಬ್ದಾರಿಯ ತಾನು ತಪ್ಪಿಸಿಕೊಂಬಲಕ್ಕು, ತಾನು ಆಫೀಸಿಗೆ ಹೋದಿಪ್ಪಗ ತನ್ನ ಪರವಾಗಿ ಹೆಂಡತಿ ಮಾರ್ಕೆಟ್ಟಿಂಗೆ, ಕರೆಂಟು, ಫೋನು ಬಿಲ್ಲು, ಬ್ಯಾಂಕ್ ಮತ್ತಿನ್ನೆಂತೆಲ್ಲಾ ಚಿಲ್ಲರೆ ಕೆಲಸಂಗಳ ಮಾಡಿ ಮುಗುಶಿತು ಹೇಳಿರೆ ತನಗೆ ಹೆರಾಣ ಕೆಲಸಂಗಳಿಂದ ಭಾರೀ ರಿಯಾಯಿತಿ ಸಿಕ್ಕಿದ ಹಾಂಗಾತು ಹೇಳಿ ಗ್ರೇಶಿಗೊಂಡು ಹೆಂಡತಿಗೂ ಡ್ರೈವಿಂಗ್ ಕಲಿವಲೆ ಲೈಸೆನ್ಸ್ ಕೊಡ್ತ!
ಮತ್ತೆ ಇನ್ನೂ ಕೆಲವ್ಕೆ ಇನ್ನೊಬ್ಬರ ಹತ್ತರೆ,"ಎಂಗೊ ಗೆಂಡಾ ಹೆಂಡತಿ ಇಬ್ರೂ ಡ್ರೈವ್ ಮಾಡ್ತೆಯ" ಹೇಳಿ ಹೇಳಿಯೊಂಬಲೆ ಮಹಾ ಕೊಶಿ, ಪ್ರೆಸ್ಟೀಜ್ ವಿಷಯ ಎಲ್ಲಾ! ಕೆಲವುದಿಕ್ಕೆ ಗೆಂಡ ಒಪ್ಪಲೀ, ಬಿಡಲೀ, ತನಗೂ ಡ್ರೈವಿಂಗ್ ಕಲಿಯಲೇ ಬೇಕು ಹೇಳಿ ತೊಡೆ, ರಟ್ಟೆ ತಟ್ಟಿ ಕಲಿವ ಹೆಮ್ಮಕ್ಕೊಗೇನೂ ಕೊರತೆ ಇಲ್ಲೆ ಬಿಡಿ! ಇನ್ನೂ ಕೆಲವು ದಿಕ್ಕೆಲ್ಲಾ ಗೆಂಡನೇ ಹೆಂಡತಿಗೆ ಡ್ರೈವಿಂಗ್ ಕಲಶಿ ಕೊಡುತ್ತ ಕ್ರಮ! ಹಾಂಗೇ ತನ್ನ ಕಾರಿಲೇ ಕಲಶಿ ಕೊಡ್ತಾ ಇಪ್ಪಾಗ, "ನಿನಗೆಷ್ಟು ಸರ್ತಿ ಗೇರ್ ಯೇವುದು, ಕ್ಲಚ್ ಯೇವುದು, ಬ್ರೇಕ್ ಯೇವುದು ಹೇಳಿ ಹೇಳಿಕೊಟ್ಟರುದೇ ನೆಂಪು ಒಳಿತ್ತಿಲ್ಲೆ, ಸರಿಯಾಗಿ ಬಿಡ್ಲೂ ನಿನಗರಡಿತ್ತಿಲ್ಲೆ, ಆನು ನಿನಗೆ ಡ್ರೈವಿಂಗ್ ಹೇಳಿಕೊಟ್ಟು... ನೀನು ಈ ಜನ್ಮಲ್ಲಿ ಕಾರು ಬಿಡುದು ಅಷ್ಟರಲ್ಲೇ ಇದ್ದು" ಹೇಳಿ ಬೈದು ಬೈದು, ಆ ಬೈಗುಳಂಗಳ ಕೇಳಿ ಬೊಡುದು, ಬೇಜಾರು ಮಾಡಿಯೊಂಡು ಹೆಂಡತಿ, " ಎಂತ ಒಂದೆರಡು ದಿನಲ್ಲೇ ಆರಿಂಗಾರೂ ಕಲಿವಲೆಡಿಗಾ?....ನಿಂಗಳ ಕೋಪವೋ, ನಿಂಗಳೋ, ನಿಂಗಳ ಕೈಯಿಂದ ಬೈಗುಳ ತಿಂದೊಂಡು ಡ್ರೈವಿಂಗ್ ಕಲಿವ ಕೆಲಸ ಎನಗೆ ಬೇಡ" ಹೇಳಿ ಕಣ್ಣೀರು ಹಾಕಿಕೊಂಡು ಅರ್ಧ ದಾರಿಲೇ ಕಾರಿಂದ ಇಳುದು ಮನೆಗೆ ಬೀಸ ನಡಕೊಂಡು ಹೋಗಿರ‍್ತು! ಮತ್ತೆ ಗೆಂಡ ಅದರ ಮತ್ತೆ ಹೇಂಗೋ ಸಮಾಧಾನಪಡಿಸಿದ ನಂತರ ಹೇಂಗೋ ಪಾಪ ಏಗಿಯೊಂಡು ಡ್ರೈವಿಂಗ್ ವಿದ್ಯೆಯ ಕರಗತ ಮಾಡಿಯೊಂಡಿರ‍್ತು!
ಒಂದೊಂದರಿ ಗ್ರೇಶಿರೆ ಈ ಡ್ರೈವಿಂಗ್ ಹೇಳುತ್ತ ವಿದ್ಯೆ ಮನೆಲಿ ಆರಿಂಗಾರೊಬ್ಬಂಗೆ ಮಾಂತ್ರ ಗೊಂತಿದ್ದರೆ ಅದೇ ಬೆಸ್ಟ್ ಹೇಳಿ ಕಾಣುತ್ತು! ತೊಂದರೆ ಬಪ್ಪದು ಇಬ್ರಿಂಗೂ ಒಂದೇ ನಮೂನೆಯ ವಿದ್ಯೆ ಗೊಂತಿದ್ದರೆ! ಕೆಲವು ದಿಕ್ಕೆ ಗೆಂಡ ಹೆಂಡತಿ ಇಬ್ರೂ ಕಾರು, ಸ್ಕೂಟರು, ಬೈಕು ಎಲ್ಲಾ ಕಲ್ತು ಒಬ್ಬನ ಕೂರಿಸಿಯೊಂಡು ಇನ್ನೊಬ್ಬ ಡ್ರೈವ್ ಮಾಡ್ತ ಹೇಳಿರೆ ಮತ್ತೇ ಬಪ್ಪದು ತಾಪತ್ರಯಂಗಳ ಸುರಿಮಳೆ! ಒಬ್ಬನ ಡ್ರೈವಿಂಗಿನ ಮತ್ತೊಬ್ಬ ’ಸರಿ’ ಹೇಳಿ ಒಪ್ಪುವ ಮಾತೇ ಬತ್ತಿಲ್ಲೆ! ದಾರಿ ಉದ್ದಾಕ್ಕೂ, "ನಿಂಗೊ ಹಾಂಗೆ ಮಾಡೇಕಾತು...ಹೀಂಗೆ ಮಾಡೇಕಾತು...ಹೀಂಗೆ ಮಾಡೇಕಾತು...ಆ ಗೇರು ಹಾಕೇಕಾತು....ಬೇಕ್ ಅಪ್ಲೈ ಮಾಡೇಕಾತು....., ಕ್ಲಚ್ಚು ಮೇಗಂದ ಕಾಲು ತೆಗೆರಿ....ಆಕ್ಸಿಲೇಟರ್ ಕೊಟ್ಟುಕೊಂಡು ಹೋಯಿಕ್ಕೊಂಡಿಪ್ಪಾಗ ಕ್ಲಚ್ಚಿನ ಮೇಗೆ ಕಾಲು ಮಡುಗುಲಾಗ....ಕ್ಲಚ್ಚು ಬೇಗ ತಳೆತ್ತು,....ನಿಂಗೊ ಕಂಡಾಬಟ್ಟೆ ಸ್ಪೀಡ್ ಹೋವುತ್ತಿ...ಹಾಂಗೆಲ್ಲಾ ಹೋದರೆ ಡೇಂಜರ್ರು, ಎಷ್ಟು ಸಲ ಹೇಳಿದರೂ ಅಷ್ಟೇ, ನಿಂಗಳೊಟ್ಟಿಂಗೆ ಕಾರಿಲಿ, ಬೈಕಿಲೆಲ್ಲಾ ಇನ್ನೊಂದರಿ ಆನು ಬತ್ತಿಲ್ಲೆಪ್ಪಾ ಬತ್ತಿಲ್ಲೆ, ಹೆದರಿಕೆ ಆವುತ್ತು ನಿಂಗಳ ಡ್ರೈವಿಂಗ್ ನೋಡಿದರೆ! ನಿಂಗಳೋ, ನಿಂಗಳ ಡ್ರೈವಿಂಗೋ....ಎಲ್ಲಾ ಸಾಕು" ಹೇಳಿ ಹೆಂಡತಿ ಮಂಗಳಾರತಿ ಮಾಡಿದರೆ, ಗೆಂಡ ಸಹಸ್ರನಾಮ ಶುರು ಮಾಡ್ತ, "ನಿನಗೆ ಬಾಯಿಮುಚ್ಚಿ ಕೂದೋಂಡು ಎನ್ನೊಟ್ಟಿಂಗೆ ಬಪ್ಪದು ಬಿಟ್ಟು, ದಾರಿ ಉದ್ದಕ್ಕೂ ಕಮೆಂಟ್ರಿ ಕೊಟ್ಟೋಂಡು ಬತ್ತೆನ್ನೇ...! ಅದಕ್ಕಲ್ಲ ನಿನಗುದೇ ಡ್ರೈವಿಂಗ್ ಕಲಿಶಿದ್ದು!"
"ಈಗ ಹೆಂಡತಿಯ ಸರದಿ,"ಹಾಂ, ಹಾಂಗೆ ಬನ್ನಿ ದಾರಿಗೆ! ಆನು ಡ್ರೈವ್ ಮಾಡಿಯೊಂಡಿಪ್ಪಾಗ ಒಂದರಿಯಾದರೂ ನಿಂಗೊ ಬಾಯಿ ಮುಚ್ಚಿ ಕೂದಿದ್ದಾ? ಹೀಂಗಲ್ಲಾ ಹಾಂಗೆ ಹಾಂಗಲ್ಲ ಹೀಂಗೇ ಹೇಳ್ತಾ ಇಪ್ಪಾಗ ಎನಗುದೇ ಹೇಂಗಾವುತ್ತು ಗೊಂತಿದ್ದಾ?! ಮತ್ತೂ ಹೇಳುತ್ತಿ, ನಿನಗೆ ಡ್ರೈವಿಂಗ್ ಕಲಿಶಿ ದೊಡ್ಡ ತಪ್ಪು ಮಾಡಿದೆ....ಹೆಮ್ಮಕ್ಕೊ ಎಲ್ಲಿರೆಕೋ ಅಲ್ಲೇ ಇರೇಕು, ಇನ್ನೊಂದರಿ ನಿನ್ನ ಕೈಯಿಗೆ ಕಾರು ಕೊಡ್ತಿಲ್ಲೆಪ್ಪಾ ಕೊಡ್ತಿಲ್ಲೆ ಹೇಳಿದೇ ಹೇಳಿಯೊಂಡಿರ‍್ತಿ....ಅಂಬಗೆಲ್ಲಾ ಎನಗೆ ಎಷ್ಟು ಬೇಜಾರಾದಿಕ್ಕು ಹೇಳಿ ಗ್ರೇಶಿ?!"ಹೀಂಗೇ ನಡದ ಮಾತಿನ ಚಕಮಕಿಲಿ ಕನಿಷ್ಠ ಪಕ್ಷ ಒಂದೊಂದು ವಾರ ’ಟೂ’ ಬಿಟ್ಟೊಂಡು ನಾನೊಂದು ತೀರ, ನೀನೊಂದು ತೀರ ಹೇಳಿ ಇದ್ದು ಬಿಡ್ತವು! ಒಟ್ಟಾರೆ ಹೇಳೇಕಾರೆ ಯೇವಾಗಲೂ ಒಬ್ಬನ ಡ್ರೈವಿಂಗ್ ಮೇಲೆ ಮತ್ತೊಬ್ಬಂಗೆ ತೃಪ್ತಿಯೇ ಇರ‍್ತಿಲ್ಲೆ! ಹೇಳಿದಾಂಗೆ ನಿಂಗಳಲ್ಲಿ ಇಬ್ರಿಂಗೂ ಡ್ರೈವಿಂಗ್ ಬತ್ತಾ? ಇಲ್ಲಾ ಒಬ್ಬಂಗೆ ಮಾಂತ್ರವಾ...?!!
ತ್ರಿವೇಣಿ ವಿ ಬೀಡುಬೈಲು
ಮಂಗಳೂರು
No comments:
Post a Comment